BEOWULF
a new critical text based on an examination of the original MS
Images of the Beowulf MS are reproduced by kind permission of the British Library Board (who retain copyright)
All other material on this site under copyright 2002-5, Benjamin Slade
Please include proper citation reference if quoting a short passage;
otherwise no part of these documents may be reproduced without expressed permission from the author.
last updated on 15-June-2005

XLIII
Him ða gegiredan    geata leode
ád on eorðan      unwaclicne 3138
helm{um} behongen   hildebordum
beorhtum byrnum      swa he bena wæs
alegdon ða tomiddes    mærne þeoden
hæleð hiofende     hlafor[d] leofne
ongunnon þa on beorge    bælfyra mæst. 3143
wigend weccan     w(ud<u>r)éc astah
sweart ofer swi{o}ðole   swogende l(e{g})
(wop)e bewunden      windblond gelæg
þ he ða bánhús    gebrocen hæfd[e]
hat on hreðre      higum unrote 3148
modceare mændon     mondryhtnes (cw<e>a)lm
swylce giomorgyd /    <Ge>at<isc> anmeowle 198v
<biowulfe brægd>   bundenheorde
<sa>ng sorgcearig    sælðe geneah<he>
þ hio hyre <hearmda>gas   hearde ond<r>ede 3153
wælfylla wo{r}n      [w]erudes egesan
hyðo 7 hæf<t>nyd   heofon rece swealg
geworhton ða      wedra leode
hlæo on h<o>e     se wæs heah 7 brad
<w>ægliðendum       wide gesyne 3158
7 beti<m>bredon   on tyn dagum
beadurofes becn      bronda laf
wealle beworhton      swa hyt weorðlicost
foresnotre men      findan mihton
hi on beorg dydon      beg 7 siglu 3163
eall swylce hyrsta      swylce on horde ær
niðhedige men      genumen hæfdon
forleton eorla gestreon    eorðan healdan
gold on greote      þær hit nu gen lifað
eldum swa unnyt      swa hyt <ære>r wæs. 3168
þa ymbe hlæw riodan     hildedeore
æþelinga bearn     ealra twelfa
woldon <cearge> cwiðan     kyning mænan
wordgyd wrecan      7 ymb we<r> sprecan
eahtodan eorlscipe      7 his ellenweorc 3173
duguðum demdon      swa hit ged<efe> [bi]ð
þ mon his winedryhten     wordum herge
ferhðum freog[e]     (þonne) he forð scile
of l{i}chaman      <læded> weorðan
swa begnornodon      geata leode 3178
hlafordes <hry>re      heorðgeneatas
cwædon þ he wære    wyruldcyning
manna mildust    7 (mon[ðw]ær)ust
leodum liðost      7 lofgeornost.